Frítíðarskúlin í Hoyvík

Floksstova til 6 børn við autismu letur upp mánadagin 16 august í Frítíðarskúlanum í Hoyvík.

Tórshavnar kommuna hevur tikið stig til at broyta hølisviðurskiftini í Frítíðarskúlanum í Hoyvík, fyri at gera floksstovu til børn við autismu.
- Vit hava arbeitt við at gera hetta klárt og vit kunnu nú frøast um at vit lata upp mánadagin 16. august. Í floksstovuni vera børn við autismu og frá 1 til 4 flokk.

Floksstovan verður brúkt til serundirvísning til børn við autismu og til frítíðarskúla. Tað vera námsfrøðingar og lærarar, sum koma at starvast í serstovuni, sigur Levi Mørk, leiðari á Frítíðarskúlanum.

- Hetta stig hava vit og Hoyvíkar skúli arbeitt við í 1 ár og nú er klárt at byrja, sigur leiðarin.
Eisini eru aðrar broytingar framdar í Frítíðarskúlanum, t.e nýtt verkstað, nýggj goymsla, og nýggj høli til húsavørð verða liðug í komandi viku. Frammanundan er skúli, frítíðarskúli, ungdómsvirksemi og nú eisini serstova til børn við autismu í Frítíðarskúlanum í Hoyvík.